close


31堂 18-9-2010


小師弟同媽媽好滿足咁離開課室﹐仲大讚sensei 拉得好聽 :P 入到去我緊係又擦下鞋啦 
, sensei 話小朋友拉到D好聽的曲所以好開心﹐ 不過太細年紀學 (小師弟應該都係 4-5 yr 左右) ﹐真係要花一段唔短的時間先會有明顯進步﹐再加上現在小朋友細細個已經要能歌善琴琪書畫樣樣得﹐仲面精通八國語言



快快 tune 好琴﹐話俾 sensei 知係家中已經tune 好呢﹐跟住 sensei 話又 tune 得好準 wow 
,  我話用 tuner 之 ma
,  sensei 話個個學生都係用 tunner XD,  真係激屎啊 不過我除左睇 tuner, 真係有聽去adjust gei, 不過唔多唔少都要靠個 tuner, 下次上堂前試下唔用tuner tune 先﹐咁可以多D  chance training耳仔 



吹完水﹐跟住先拉 WF 34 頭五行, 三把位音準 OK﹐ 由三把回一把都比之前好﹐ sensei 話都唔錯
﹐這個 34 練習完成﹐後五行果D不用拉呢﹐因為sensei 主張貴精不貴多  相似的東東不用練太多﹐最緊要需要練的﹐做得好就可以啦 ^^ sensei 話佢都跟過唔同類型的老師﹐有D就 會首首教﹐每個練習都要全部練好﹐咁基礎會更有保證﹐有D老師就會以精簡為主﹐重質多於重量﹐呢種方式就會學得快﹐不過就需要學生又更多自發性 



搞掂完 WF 34

就來到 WF 28 一把位 Double stop 的練習 @@  sensei demo 一次頭兩行﹐之後到我試拉 ... 真係唔係咁易﹐ D手指好易痴到隔離D弦﹐ 出現怪音  
=.=''''  sensei 提醒當拉下一粒音時﹐可以的話用其它手指先度位﹐咁對音準會更有幫助。呢兩行﹐ 除左 Double stop, 還有triple stop 同 quadruple stop﹐ quadruple stop 中間果兩粒音比頭尾兩group 音弱好多。仲有 double stop 對音準有更高求﹐因為其中一粒音有偏差﹐雙弦拉出來果粒音拉會好怪的



講完 WF28 就回到 Seitz Concerto No. 2 in G, 3rd movement﹐之前sensei 問我有冇聽過﹐我話未聽過呢﹐不過近排上 youtube 睇人點拉﹐ 原來以前都有聽過﹐不過因為當時拉唔到果種 FEEL, 所以睇番先回憶到 :P 我同 sensei 講話youtube 好多都拉到好正, 連好細過的小朋友都拉得好有感情﹐ 唔多唔少都有士氣下降 (笑 
),哈哈﹐sensei 話放得上 去都係好ga la ﹐  果D拉到好聽gei 小朋友真係唔係咁多﹐所以不用灰心 ﹐ waka 我打趣話﹐我都找D 拉得好難聽的增加士氣 (笑
)﹐ 不過 youtube 真係非常正﹐絕對係寶庫﹐ 睇下人地點拉﹐唔多唔少都有得著呢



拉番上一堂的功課, 第一頁都 OK, 不過第二頁 果堆 五粒連音 就做得 不太好﹐ 所以回家要再練 ﹐令外 sensei 話 我有時係換弓 同弓根粒音都會重左﹐ 因為弓尖音會細﹐弓根音會大﹐所以要留意﹐ 盡量要做到大細聲平均。sensei 教了一樣新的技巧﹐就係要做到只用手腕 同手指配合都可以快速運弓﹐  這樣就可以令換弓時更加 smooth 同連接


 




Everly(エバリー)／さくら～森山直太郎


arrow
arrow
    全站熱搜

    森里 發表在 痞客邦 留言(10) 人氣()

    E-mail轉寄