已經係第九堂工聯會呢﹐接近尾聲啦今堂教轉弦﹐練習 A D 兩條線

先拉番 38 皮耶洛 (D 弦練習)﹐朋友話上堂阿 SIR 終於有飛書教啦 @.@ 若果唔飛少少﹐真係冇乜機會學晒四條弦﹐不過還有 3 堂﹐睇來都未必學得晒呢



拉埋 39  慢板 and 40 浪慢曲﹐阿 SIR 又吹下水話要拉得好 (master) 係需要 10000 小時的, 假設每日拉小時﹐大約 30 年就可以呢 XDDDD 



之後開始教 A D 轉弦的練習 42 and 43, 轉弦時需要用上臂調節高低的

之後啊 SIR 又講下音樂有大調同小調之分﹐大調就係比較明亮同給人溫暖的感覺﹐小調就暗同泠呢好似進行曲就會以大調﹐生離死別就以小調為主。不能調轉﹐因為會好怪﹐不過都有D作曲家有能力咁話。




之後就係 44 讚美歌.....  不過呢度怪少少﹐因為阿 SIR 叫大家按 D 弦 三手指位時﹐一二手指不用按﹐下一個音會係 A 弦空弦 (3手指繼續係D弦﹐直到要用3指去按 A弦三手指位)﹐因為三手指按實D 弦﹐按得唔好﹐拉 A 弦會有機會痴線, 啊 SIR 叫大家會家好好練習。但係只要一指找音.... 快左D wow

只用一隻手指找 3 手指音﹐其實對初學者係唔好的﹐呢樣野私人老師之前已經提出過 (同其它小提琴朋友都有傾過呢個問題)﹐因為冇其它手指對位﹐會好易走音的﹐學小提琴都係要打好基礎呢。

Vanessa-Mae Toccata & Fugue