森里的部落格

12/1  第二堂工聯會﹐今晚一樣有成二十多人一起上﹐沒有人冇到﹐各同學都有小提琴呢 大家都排隊找阿 SIR tune 琴﹐不過阿 SIR 一樣可只 TUNE A 同 D 弦

不過課室不變 都係冇譜架的﹐咁點睇譜﹐坐係度拉﹐放係檯上面﹐睇唔到 WOW ﹐企係度又唔得 WOW﹐咁。。。。。

阿SIR 一開始就先教大家夾琴﹐夾琴大家都冇乜問題﹐因為基本上大家都有肩托﹐都夾得 STABLE  之後就開始教持弓手勢﹐ 大家都冇問題發問﹐阿 SIR 沒有睇大家都手勢是否正確。

教完持弓﹐阿 SIR 就跟紅書 ﹐由 第一練習曲開始﹐拉 A線 同 D 線 1 拍 空弦 ﹐啊 SIR 叫大家拉時﹐弓同弦線要成角﹐咁音就會最好﹐因為有偏差﹐聲就會冇咁好。
因為沒有譜架﹐大家只好用琴盒 "LONG" 住本書﹐因為有檯係前面﹐而大家又坐係度位又迫﹐所以要拉時要就住就住﹐聽到有D同學都撞到個琴  有D同學仔就要夾硬就個位﹐抬高個琴﹐有D就執弓有問題﹐但阿 SIR 就冇理到果D 同學呢   係睇唔到定還是唔理呢。。。 真係不得而知啦


拉完一拍﹐阿 SIR 之後教拉 兩拍同四拍 空弦。 話咁快就過左個半鐘

落堂時﹐有個同學想找阿 SIR 幫佢 TUNE 琴﹐但阿 SIR 話下堂先 佢又係第一個走的﹐好鬼快手執好野﹐雞咁腳就唔見左人啦。

第二堂﹐阿 SIR 俾我同朋友仔有同樣感覺﹐就係佢冇乜 HEART 去教學生﹐話雖如此﹐只係第二堂﹐好難講﹐有待觀察。。。。

第二天打電話去工聯會問可解冇譜架﹐佢地話會跟進.... 唔知下堂會唔會有﹐我諗真係窄D 啦 唔得就問下阿 SIR 意見