森里的部落格

十一月尾﹐有令一位朋友又話想學小提琴﹐不過佢又唔多想學私人一對一﹐咁我話不如工聯會啦﹐因為工聯會都係一月初開班﹐多人一起學﹐冇咁大壓力﹐反正都係玩啊 。見識下﹐比較下私人一對一﹐又可以識多D琴友﹐都唔錯﹐所以我都有報呢

於是十一月尾就報了大埔 我又同呢位朋友去了好人士果間提琴室找好拍擋。不過工聯會真係唔多掂﹐係返學前五天 (接近年尾)先打電話來話大埔果邊開唔成。。。 其實開唔成唔係太大問題﹐不過早D通知好D啦﹐咁只好轉班﹐我諗好多人都受害﹐好的地方時間都早早被人報晒啊。。。

一月頭第一堂﹐入到去﹐好多人啊﹐我諗成二十幾人﹐睇睇個點名薄﹐有好多人都係後加上去 (係原子筆寫的)﹐我諗好多人都係係其它地方調過來﹐變左呢班超多人。

去到個 classroom 好怪﹐似上語文多D﹐有書檯的。。。。 但冇譜架﹐咁點放譜呢完全摸不著頭腦。

班有一半以上人都係冇琴的﹐所以佢地都係透過工聯會買﹐大約 5XX 左右有一套﹐不過之前睇過D POST 佢地D琴係唔值呢個價﹐大約 300 貨仔﹐不過係唔係真﹐就日後再問下D同學仔啦。

阿 SIR (佢入來都冇介紹自已﹐所以第一堂唔知佢貴性) ﹐一開始幫有琴的同學 TUNE下音﹐阿 SIR TUNE 琴係先彈一彈自已個琴的弦線﹐再彈學生個琴的弦線做對比的。
不過佢冇 TUNE 晒D線﹐只係 TUNE左 A 同 D 唔通佢 EXPECT 學生回家都唔會用 G 同 E

由於第一堂有太多人冇琴﹐只係講下小提琴如何保養﹐結構同些少樂理﹐話咁快就過左個半鐘﹐第一堂 阿 SIR 俾我感覺就係一般﹐課室好怪﹐希望下一堂有譜架同搬走D 檯﹐咁就冇咁迫呢。大部份同學應該都係初學的。

同學們都一起加油啊