森里的部落格

12/11 這一天﹐就係佢 (還未改名呢 ) GEI 誕生日啦﹐我懷著開心興奮的心情去到佢的出生地接佢啊﹐因為當時乜都唔識﹐持弓﹐夾琴都唔懂啊 咁我就叫好人仕幫我試下音﹐佢拉到好好聽啊﹐有一天我都會有咁GEI水準 (笑) ﹐我會努力的﹐享受其中﹐感受音樂的快樂 傾開﹐好人士係細細個開始學 ga la, 所以去呢類小提琴工房比較好﹐特別對初學又找唔到人幫的朋友們﹐因為佢地確係專業好多﹐最少好過大琴行﹐貴錢會貴一點﹐不過買過好一點的琴﹐對學習都有正面影響呢 特別係成年人來說。

試完琴音﹐好人士就叫我試弓﹐弓要自已試﹐因為弓係比較貼身的﹐弓有分重量﹐唔同重量對初學者都有直接影響呢﹐試左三把重量的弓﹐由輕到重﹐好人士話重D弓對初學者容易掌握﹐冇咁易震﹐試過又真係對啊﹐試左好耐﹐輕D的弓會飄D﹐最後揀了一把重少少的弓。佢話回家試過真係唔太慣﹐可以回來試過一支﹐真係非常之好





回家後就緊係同佢傾下偈先啦 佢話好高興遇到我 TIM 會同我合作無間 (汗)

係未找老師前﹐上網睇下 youtube D 教學﹐又去下D 學緊小提琴 D BLOG 偷下師咁﹐自己又試下拉下。感覺不錯呢 最初諗住去家中附近的細琴行找老師 一 對一﹐但細妹建議未找到好老師前先去大琴行找老師﹐因為大琴行老師一般水準都有保證﹐相對細琴行來說。有一晚我去左沙田做GYM 順便去 TL ﹐點知..... 要係沙田學﹐平日晚﹐六日早上都 FULL 啊。。。。。。。我又唔太想去太遠的地方﹐最好近近地呢。


咁點算啊  之後我留左電話﹐話如果有我要的時間﹐就找我啦。回家悶悶不樂呢﹐只好明天再去柏C 問下啦。。。

第二天早上收到電話啊  佢話有30min 空 SLOT 係星期六早上啊 真係超開心啊  咁我就過去報名﹐5/12 就到正式第一堂啦﹐TL 話左個老師名﹐因為張 invoice 有老師的名字﹐咁我回家又試下係網上查一查﹐睇下有冇呢個老師。。。。。

點知真係找到呢。。。。 不過佢係一個小妹妹來﹐係非常出名﹐不過咁出名一定唔會教初級又唔會收咁平啦﹐睇來要上堂先見到老師真面目