18/11 黃昏 五時半左右係獅子座流星雨極盛時間
原定攝影朋友們搞了個 gathering 一起去大尾篤船灣淡水湖﹐不過因為太多雲﹐最後取消左呢﹐真慘啊。
不過要好似今次流星雨咁強﹐錯過左就要等好多年呢
﹐可能係十年以上啊﹐所以都想博下﹐上綱查下﹐天文發燒友話﹐雲層有可能係零晨五點左右散走少少﹐不過機會就唔係話好高呢。
所以打電話再問下有冇朋友一起去博下﹐最後都找到呢
﹐最初諗住上大霧山﹐不過後來發覺大霧山睇今次流星雨不太適合﹐而且山頂應該得2C 左右﹐真係未影之已經凍死左啦
。最後就揀番大尾篤船灣淡水湖
。
因為雲層太厚﹐所以我地都係三點半係大埔搭的入去﹐大約 $63 左右啦﹐入到去原來都有唔少人呢﹐天文台發燒友同有線都係度﹐大家都抱住一博的心理 
今晚影流星的位置﹐就係水霸上面﹐好多人都係度扎營啊
奇蹟要出現啊 
馬鞍山,睇下光害幾利害﹐不過呢個方向係西面﹐唔係今日要看的東面
東面其實都有D光害呢
西頁萬宜應該再黑D﹐不過太唔方便呢
成個天都係雲﹐密不透風 ﹐仲鬼死咁凍
食左西北風成果幾鐘﹐天空依舊﹐一粒流星都看不到
直到 5:35 am ,接近 5:45大盛時間﹐看到天上有微弱光線移動﹐好快就消失左﹐當時真係唔知係定唔係呢﹐只好閉起雙眼﹐對住這伙流星許願。
回家細看﹐1比1放大﹐中間紅色同淺灰色就係啦﹐影唔晒全個過程
之後就再冇 lu, 天色都開始明亮
日出的光由水平線滲出﹐同日落的光芒一樣咁美﹐更加有生命力呢
唔知其它人又睇唔睇到呢 
天光了﹐離去了﹐此行總算係一次難忘的經歷
四圍都咁大霧
全個霸長 2100 米﹐我地就係 1600 位置食風啦
八仙嶺﹐數下﹐有八個山峰的 
滿地都係垃圾﹐自已拾回垃圾真係咁難
真係十個營﹐有九個都滿地垃圾 GA﹐咁凍係度吹風都可以﹐清理一下好辛苦嗎?????
門口燒烤位
數百人就在這個壩上面期待難得一見的流星雨
可惜天公不做美
大發現啊!!!!!!!!! 佢地食緊早餐啊﹐我都好餓 TIM
影番幾張先啦﹐不過唔好意思﹐阻住你地開飯 TIM
令一隻可愛貓喵
好可愛啊
轉個 pose 先﹐你地都要小心著涼啊﹐呢度得 7 度左右炸
下次好天﹐可以再入來看下星星
下次要咁強gei 獅子座流星雨好似話要成三十四年後。。。嘩。。。。。。。
香港看唔到﹐就睇下其它國家啦﹐由韓國人影GA
感謝 森里 Do The Best 提供以上資料
個人日誌: www.dickens-au.com/
留言列表
