森里的部落格

╮(￣▽￣)╭ ╮(￣▽￣)╭ ╮(￣▽￣)╭ ╮(￣▽￣)╭

八月影落﹐執好晒﹐又放左落倉﹐所以英仙座都改左名做 倉底座 o(#￣▽￣)==O))￣▽￣")o 　


其實可能有 GA﹐話唔定係船底座個貨倉下面 ( ° ▽、° )  (船底座真係有GA﹐佢係一個好美的星座﹐但香港睇到的時間只係春季﹐加上出現高出水平面少少﹐所以要看就到南半球 @@)

大尾篤這個地方觀賞是次流星雨﹐其實還可以的﹐是關英仙係東北方出現﹐而壩對出的東面﹐北面﹐光害不是最大﹐不過是日係十四﹐真係花好月圓啊 。。。 呢個先係最影響

加上月兒五點多先回家。。。 全個天空都給照亮啊 Σ(
￣□￣；)  但係這天接近高峰日﹐所以就算接近滿月﹐但仍看到不少 (預計)

先感謝同行朋友仔駕車〒▽〒 大感謝〒▽〒

十一點多就到達﹐會合令外自行到達的幾位朋友〒▽〒

之後就行到壩的中間位置﹐當日都有人來影星的﹐不過就唔太多 (估計全個壩都唔過一百人)﹐相比起 2009 年獅子座流星雨極盛日 (全壩 OVER 1000﹐連天文台都有來GA﹐不過全晚白果﹐果次大家都博﹐因為係計 2001 年令一次超強的流星雨﹐保守估計都 OVER星 700/HR) 

今次流星雨極盛大約 80 左右﹐後一天﹐應該大約 50-60

 是晚月兒高高掛﹐不過好彩雲量唔多﹐能見度都不錯, 若果有十粒已經好滿足呢 o(#￣▽￣)==O))￣▽￣")o





又介紹一下英仙座的故仔



英仙座象徵希臘神話的英雄柏修斯。他砍下可怕的女妖美杜莎的頭(這女妖凝視的人都會變成石頭)。在完成任務的歸途中，又從海怪口中解救安德洛美達公主(仙女座)。在星空中英仙座緊臨仙女座及仙后座(公主的母親)，這一大片星空敘述這個著名的希臘神話故事。

　　NGG869及NGG884兩個球狀星團代表柏修斯揮劍的右手；英仙座β星(大陵五)代表美杜莎的頭，提在柏修斯的左手。銀河恆星較密集的部份通過此處，對使用雙筒鏡的人士而言，英仙座是迷人的星座。

　　英仙座β星(大陵五)是顆著的食變星，由兩顆密近的恒星沿軌道互繞。週期為2天又21小時，當暗星繞到亮星前方遮住亮光時，會從2.1等降到3.4等，過程約10小時。




1) Perseus 英仙座
2) 主星 Mirfak, 500光年
3) 第二主星 Algol 大陵五, 93光年
4) 流星雨幅射點大約在此


流星會於幅射點 為起點﹐360度發射﹐距離都係不定的﹐不過通常都不會太近幅射點﹐跟據過往的經驗﹐鄰近的木星與獵戶座附近都常出現的 (東面)﹐當然北面都會有機會的

英仙大約 12 點就差不多完全升上水面


拿拿聲 SET 好架生﹐期待第一粹流星出現 ^^

嘻嘻﹐過左冇幾耐﹐大約 12點17分﹐出現第一粹流星啦 ^^ 呵呵﹐即時許願^^

訓在壩上﹐望著360度的星空﹐真正呢﹐一粒又一粒的流星出現在眼前﹐超開心啊 *^◎^* ﹐雖然受月亮的影響﹐流星的明度真係大大減少

不過呢﹐少雲﹐有得睇已經好好啊﹐仲想點 ^^ 回想 2009年 全晚白果﹐為的只是一粒獅子座流星﹐可惜只後天公不做美﹐理得雲後有千棵流星。







大家先不要 LOOK 落去 XDDDDD 又數下﹐睇睇這張 90分鐘的星軌 有幾多粒 ^^ (哈哈﹐其實肉眼望到唔少係八仙嶺附近的﹐無奈入唔到鏡﹐不過冇問題﹐腦海已一一影下其它冇入鏡的)







大圖   (≧▽≦)/ 睇得唔清楚可 CLICK 大圖研究一下